Custu avisu pertocat s'ativatzioni de su sportellu linguìsticu e fintzas de is cursus de formatzioni in lìngua sarda finantziaus de sa Regioni Sardigna a su comunu de Biddesorris e cun sa punna de sa protetzioni, valoritzatzioni e spraxidura de sa lìngua e cultura sarda.
SI INFORMANT is interessaus ca su sportellu est obertu me in sa diri de:
· Lunis de is oras de is 09:00 a is oras de is 13:00
· Martis de is oras de is 15:00 a is oras 19:00;
Su sportellista, Dr. Rinaldo Spiga, at a essi a disponimentu, po interagiri cun is tzitadinus e donai informatzionis, materialis, tradutzionis, consulèntzias linguìsticas etc..
S'indiritzu mail po is comunicatzionis cun s'operadori de sportellu est su chi sighit:
ufitziulinguasarda1@gmail.com - Su cuntatu telefònicu: 3346805539
Est fintzas stètia ativada una pàgina Facebook:
https://www.facebook.com/progetubiddesorris pro mèdiu de sa cali s’at a podi cuncambiai cun s’operadori e fintzas scarrigai informatzionis e materialis.
Po su chi pertocat is informatzionis asuba de is cursus de lìngua sarda, de si tennni in manera a distàntzia o in presèntzia, at a essi sempri possìbili cuntatai s'operadori de su sportellu a is indiritzus indicaus apitzus.
